21 nóvember 2005

Loksins! Loksins!

Búinn að mála. Ég er loksins búinn að mála eldhúsveggina og þar með búinn að mála allt sem ég ætlaði að mála í bili. Ég hefði aldrei trúað því að fyrra bragði að það tæki átta klukkutíma að rétt pússa með sandpappír og mála eina umferð þetta litla herbergi.
    Eins gott að frestunarárátta mín skyldi hafa notað það sem afsökun að það væri of langt liðið á daginn í öll þau skipti sem ég ætlaði að drífa í þessu en það hafði dregist að byrja þar til seint eftir hádegi. Annars hefði ég lent í því að vera að þessu langt fram á nótt eitthvert kvöldið. Og þá hefði ég átt eftir að bíða eftir að eiturgufurnar hyrfu til að hægt væri að fara að sofa. Jafnvel spurning hvort það náist í kvöld.
    Jæja, nóg komið í bili. Skrifa meira seinna.

<< Tilbaka á aðalsíðu

Blogger Siggi Sveinn sagði...

Þökk sé sófanum hjá Skoffíninu þá svaf ég fínt. Laus við allar eiturgufurnar sem tóku á móti mér þegar ég leit við heima á leið í skólan.

22/11/05 7:07 e.h.  

Skrifa ummæli

<< Tilbaka á aðalsíðu