-- eintóm leiðindi --

Ekki alveg hættur

2012-01-25T11:39:00.000Z

... meira seinna.

Netpróf endurtekið enn einu sinni

2010-01-10T23:51:00.002Z

Prófaði að endurtaka enn einu sinni. Útkoman var alls ekki sú sama og seinustu tvö skiptin. Það hefur líka heilmikið breyst síðan þá. Yay!!

This Is My Life, Rated
Life:	8.8
Mind:	7.9
Body:	9.4
Spirit:	8.8
Friends/Family:	5.1
Love:	9.2
Finance:	9.4
Take the Rate My Life Quiz

Jæja...

2008-10-30T22:51:00.003Z

Þá er girlfriendið komið með sitt eigið blog. :D

Bjóðum hana velkomna til bloggheima.

Ekki lengur bara kisustrákar á heimilinu.

2008-02-06T15:12:00.000Z

Jæja. Þá erum við kisustrákarnir ekki lengur einir á heimilinu. Það er ein sæt og falleg flutt inn til okkar.

Jólakötturinn

2007-12-26T14:30:00.000Z

Ef einhver skyldi vera í einhverjum vafa um hvernig jólakötturinn líti út, þá hef ég ekki bara séð dýrið, heldur náði ég myndum af honum.

Ekki skánnar það.

2007-12-20T00:08:00.000Z

Þá er maður kominn með einkunnir úr prófunum og laus við þær áhyggjur.
En ekki skánaði það mikið við það. Ég fékk áttu og níu. Meðaleinkunnin hækkaði við það um 0,11, úr 7,82 í 7,93. Í fyrstu hljómar það dá vel, þar til maður gerir sér grein fyrir því að þá er einfaldlega orðið þeim mun erfiðara að bæta sig næst. Þó ég fengi eintómar áttur það sem eftir er, þá dygði það einungis til að hækka meðaleinkunnina um samtals 0,03. Jafnvel eintómar níur dygðu ekki til að halda við það nýfengna viðmið að hækka meðaleinkunnina um 0,11 á önn. Til þess þyrfti tvær tíur og restin níur.
Gerir fólk sér ekkert grein fyrir hvað það sé erfitt að fá tíu í háskólanámi?
Það væri þá helst að maður gæti reynt að endurtaka þau fög sem gekk verst í til að hækka þær einkunnir. En hefur maður tíma til þess? Ekki getur maður verið endalaust í skóla.
Þetta er nú meira vesenið. :S

Ath. Ekki taka þetta rant mitt alvarlega. Fyrir utan að tölunar eru réttar, þá er þetta óttalegt bull hjá mér. Ég er alveg fullkomlega sáttur við þessar einkunnir og vel það.
Í alvörunni. Ég er ánægður :D

Þá eru prófin búin. En þau valda mér áhyggjum.

2007-12-14T04:20:00.000Z

Ég er með smá áhyggjur af því að þau gætu lækkað meðaleinkunn mína. :p

En það er líka það eina sem ég get haft áhyggjur af. Er vel öruggur um að hafa náð prófunum.:D

Er ekki alltaf allt spurning um viðhorf?

2007-12-11T18:10:00.000Z

Netpróf endurtekið

2007-11-26T00:55:00.000Z

Prófaði að endurtaka. Útkoman var ekki alveg sú sama og seinast. Það má eflaust draga einhvern lærdóm af því.

This Is My Life, Rated
Life:	6.4
Mind:	6.8
Body:	6.5
Spirit:	6.3
Friends/Family:	3.1
Love:	1.4
Finance:	9.1
Take the Rate My Life Quiz

Á meðan ég man ...

2007-11-25T21:31:00.000Z

Eins og planað var, þá fórum við Skoffínið saman til Berlínar, M'Era Luna og Lundúna í ágúst. Það var fínt. Stoppuðum stutt í Berlín en náðum samt að líta á rosa fína tælenska matsölustaðin sem við höfðum uppgötvað þar í seinustu ferð. Mælum alveg eindregið með honum.
Á M'Era Luna var hellidemburigning fyrstu nóttina en síðan steikjandi sólskin. Að öðru leiti var fínt að vera þar. Fínar hljómsveitir, skipulag til fyrirmyndar, skemmtilegur markaður og undir tjaldinu okkar vorum litlar mýslur í holunni sinni.
London var versla, söfn, góður matur, söfn, rölta, versla, Camden, söfn, góður matur, labba um, Camden, smá bjór, söfn og Slimelight.
Ég dundaði mér við það í kvöld að fara í gegnum allar bloggfærslur hér og merkja þær með "labels" (Helvítis lygi. Ég byrjaði bara á þessu án þess að klára. Geri það seinna).
Skólinn er byrjaður aftur (og það eru strax að nálgast próf) ...(nánar seinna)
Er að skipta um vinnu ...(nánar seinna)
Er á leið til Finnlands yfir jólin ...(nánar seinna)
Soðin fiskur í kvöldmat. Kisumstrákum þótti það vera om nom nom nom
Kötturinn sem fékk heimili hér um seinustu jól er fyrir löngu hættur að vera kallaður Púki. Hann heitir Ófeigur.

Bara þannig að það sé á hreinu...

2007-11-17T15:30:00.000Z

... ég er ekki hættur að blogga.

Ég er bara í óeðlilega löngu hléi.

En eitt netprófið.

2007-09-17T01:04:00.000Z

Fann þetta á e-h blogginu og ákvað að prófa:

1. Go to careercruising.com
2. Put in Username: nycareers, Password: landmark.
3. Take their "Career Matchmaker" questions.
4. Post the top ten results.

Interest Rank            Skills Score

 1. Computer Engineer     Fair Match
 2. Electrical Engineer   Fair Match
 3. Multimedia Developer  Good Match
 4. Aerospace Engineer    Fair Match
 5. Animator              Fair Match
 6. Desktop Publisher     Good Match
 7. Computer Programmer   Very Good Match
 8. Cartoonist 
    / Comic Illustrator   Fair Match
 9. Camera Operator       Good Match
10. Biomedical Engineer   Fair Match

Ef e-h er að marka þetta, þá er ég á réttri leið í lífinu hvað starfsval varðar.

Ýmislegt smávægilegt.

2007-06-29T02:15:00.001Z

Það var gaman í Köben. Fórum tvisvar í Tívolí. Yay!!.
Það verður ekkert af flutningum. Allavega ekki í bili. Nenni ekki að flytja. Hættur við að selja íbúðina fyrr en ég er búinn að færa baðherbergið þannig að hægt sé að skrá hana sem íbúð.
Er að fara til Berlínar, M'Era Luna og London í ágúst.
Loðmundur er langt kominn með að verða kominn með "Ljónaklippingu". Það byrjaði á að ég var stöðugt að rekast á flóka í feldinum sem ég klippti í burtu og það leiddi til þess að ég fór að klippa meira til þess að hann væri ekki bara með e-h óreglulegar skellur.

Þarna gabbaði ég hann.

2007-05-30T21:17:00.000Z

Það er búið að vera hægara sagt en gert að koma Loðmundi til dýralæknis í árlegu bólusetninguna. Í hvert skipti sem ég panta tíma hjá Dagfinni, þá hefur hann passað vel upp á að láta ekki sjá sig um morguninn.
En í þetta skiptið lék ég á hann. Ég pantaði tíma eins og venjulega. Svo þegar kom morgun og kötturinn hvergi sjáanlegur þá hringdi ég í dýralækninn og afpantaði. Þannig að þegar ég svo gerði mér ferð aftur heim í hádeginu taldi dýrið sig vera sloppið enn einu sinni og álpaðist til að koma á móti mér, mjálmandi um að fá að komast inn í mat og drykk. Ég hleypi honum inn en hann er varla sestur að snæðingi þegar ég hef samband við Dagfinn til að tékka á því hvort það sé ekki í lagi að mæta strax til þeirra. Lokka svo skepnuna inní búr og þramma svo af stað. Loðmundur fékk þar sína sprautu og ormalyf en var ekkert ánægður.

Annars er það í fréttum að við Skoffínið erum á morgun að skreppa til Köben í fimm nætur og að ég sé mjög hugsanlega að selja íbúðina. Er kominn með augastað á nýrri á Njálsgötu. Ef af því verður, þá verðum við Skröggur nágrannar. :D

18 ára afmæli!!!!!

2007-01-17T00:09:00.000Z

Yay!!! Var að halda upp á 18 ára afmæli. Ekki mitt eigið, hedlur 18 ára afmæli 18 ára afmælis míns. Þ.e.a.s. að 18 ára afmælið mitt átti 18 ára afmæli. Æ, þið skiljið hvað ég á við.

Allavega þá skrapp ég úr vinnuni og keypti fullt af kökum og fór með tilbaka. Horfði svo á eftir tveimur vínarbrauðslengjum, gulrótarköku og sjónvarpsköku kverfa oní mannskapin á rétt yfir korteri. Allir rosa glaðir og ánægðir með fá svona óvænt tölvupóst þegar farið var að nálgast lok vinnudags, þar sem boðað var til veislu með stuttum fyrirvara (þó án þess að upp væri gefið meira en að það væri vegna afmælis en ekkert minnst á hvaða afmæli).
Svo fór ég og hitti Skoffínið á Vegamót þar sem við fengum okkur að borða og höfðum það næs. Góður matur eins og alltaf hjá þeim.

Og þá er víst bara eftir að halda upp á mitt eigið afmæli.

9 líf kattarins

2006-12-22T21:14:00.000Z

Síminn hringdi í morgun (föstudag). Það var Skoffínið að tjá mér að köttur nefndur Púki hefði rétt sloppið við að vera lógað. Hefði verið búinn að fá fyrri sprautuna þegar hún kom askvaðandi og bjargaði honum frá seinni sprautunni, þeirri banvænu.
Hún er nefnilega að vinna hjá Kattholti og hafði sagt mér ögn frá sumum skjólstæðingum sínum. Sérstaklega þeim karaktermeiri sem væru kannski ekki að höfða eins vel til fegurðarskyns fólks sem kæmi að leita að litlum sætum kettlingum. Þar hafði borist til tals að henni þætti synd með Púka, hann væri svo indæll og góður en væri samt búinn að vera svo lengi hjá þeim. Taldi ég það koma til greina að ég skoðaði hvort ég gæti tekið hann að mér. Áhuginn væri allavega til staðar.
Nú var kominn tími til að taka ákvörðun. Búið væri að bjarga honum en það þýddi að ef ég vildi fá hann, þá þyrfti ég að koma að sækja hann strax í dag.

Í stuttu máli, þá er litla greyið nú sofandi undir rúmi hjá mér en Loðmundur er í einhverri fýlu, lengst út í horni ofan á skáp. En það lagast vonandi þegar þeir kynnast betur.

Fiskur á diskinn minn.

2006-11-20T00:14:00.000Z

Jæja. Var búinn að sækja vænt ýsuflak - frosið - úr frystihólfinu. Setti það í vatn ofan í pott sem ég lagði á eldavélina til að leyfa því að þiðna. Hugsaði mér gott til glóðarinnar að geta eldað fisk handa okkur Loðmundi (Vel á minnst, ef einnhver sér Skrögg, þá er alveg kominn tími á að koma aftur heim). Skokka niður með þvott í vélina. Skrepp út í búð eftir karöflum með fiskinum. Ákveð þegar ég kem aftur að nota tíman og moka snjó af stéttinni. Mæti Loðmundi úti og hleypi honum inn. Moka snjó. Geng ánægður aftur inn eftir vel unnið verk. Lít á tóman pottinn á eldavélinni...
Bíðum nú við. Eitthvað er ekki eins og það á að vera.
Lít inní stofu og sér það hálfétið fiskflakið á gólfinu og ferfættur sökudólgur sleikjandi út um. Fiskurinn endar í ruslinu og kötturinn út í kuldanum. Fuss og svei. Og ég sem hafði auk þess keypt handa honum kisumat, blautmat eins og honum þykir svo góður.

Er samt byrjaður að vorkenna ögn greyinu. Hann gerði sér náttúrulega ekkert grein fyrir því að ef hann hefði beðið ögn, þá hefðum við báðir fengið soðinn fisk og hann blautmat að auki. Spurning að hleypa honum aftur inn bráðlega.

Árshátíð

2006-11-12T18:41:00.000Z

Fór á árshátíð Baggalúts í fylgd með góðu fólki og hitti þar enn fleira skemmtilegt fólk.

Maturinn var fínn, skemmtiatriðin voru einstök, kakóið var frábært og félagsskapurinn var til fyrirmyndar.

Þó að ég hefði kannski ekki verið eins duglegur og flestir aðrir við að blanda geði og taka þátt í gleðinni, hefði jafnvel verið frekar þögull á köflum, þá þrátt fyrir áhyggjur sumra um hið gagnstæða, þá skemmti ég mér dá vel. Var að vísu eitthvað þreyttur og orkulaus eftir vikuna, og eitthvað með hugann við það að ég þyrfti helst að geta komið ýmsu í verk daginn eftir og mætti því hvorki verða of ölvaður né vera of lengi að.

Ekki kom ég svo neitt miklu í verk daginn eftir, en það má að sjálfsögðu skrifa á minn eiginn reikning. Ég hélt mig nefnilega ekki við upphaflegu áætlun mína um að vera kannski til ellefu, í mesta lagi til tólf og ekki drekka neitt.

Annars er merkilegt hvað það var skrítin tilfinning þegar mér var tjáð áhyggjur af því hvort mér væri nokkuð að leiðast. Á sama augnablikinu upplifði maður bæði góða og slæma tilfinningu. Manni hlýnaði um hjartarætur af að hugsa út í að viðkomandi þætti nógu vænt um mann til að hafa þessslags áhyggjur en á sama tíma fékk maður samviskubit og leið ögn illa yfir því að vera kannski að skemma skemmtun viðkomandi með því að vera valdur að óþarfa áhyggjum.

Berlínarferð

2006-10-19T00:30:00.000Z

Fór til Berlínar. Skemmti mér. Kominn aftur.

Hugsað upphátt

2006-09-07T01:08:00.000Z

Ef seinasta færsla virðist torskilin þá gæti það verið vegna þess að hún var að mestu leyti ég að hugsa upphátt. Lokaniðurstaða þeirrar pælingar kemur heldur ekkert það skýrt fram, en hún var sú að ég ætla að fresta einu fagi til næsta veturs. Vera bara í þremur fögum en reyna að vera í fullri vinnu áfram.

Skynsemin ræður á endanum.

2006-09-04T23:38:00.000Z

Best að sætti sig bara strax við það að þó það sé kannski hægt, þá er það algjör óþarfi og býður bara hættunni heim að ætla sér að vera í fjórum fögum (80% nám) í háskólanámi og 80% til 100% vinnu með. Sérstaklega þegar maður býr einn og þarf þar af leiðir að sjá um sig sjálfur, þvo þvott, þrífa íbúðinna, kaupa inn og elda; og gæludýr að auki sem þarf að sinna. Spurning líka hvernig það færi með geðheilsuna að þurfa kannski að sleppa nánast öllu félagslífi. Maðurinn er jú félagsvera þó maður sé nú kannski í einrænari kanntinum.
Það eru fleiri atriði sem spila inní:

Betra að ná þremur fögum með glæsibragð heldur en rétt slefa í gegnum fjögur.
Það liggur ekki eins mikið á að klára námið þegar maður er kominn í sæmilega vel borgaða, áhugaverða, fulla vinnu eins og ef maður væri fátækur námsmaður á lánum.
Þó að hægt sé að útbúa tímaplan þar sem hlutirnir ganga upp, þá þarf ekkert mikið til að allt fari í vaskinn ef mjög þröngt er planað. Eins og littla hálsbólgan sem lagði mig í rúmmið í örfáa daga minnti mig á. Auk þess er alltaf meiri hætta á veikindum ef maður er útkeyrður.

Svo má heldur ekki gleyma fjárhagslegu hliðinni. Þó ég nái að standa við allar mínar skuldbyndingar og lifi alveg á því sem ég fengi útborgað fyrir 70% vinnu og gæti þar af leiðir alveg minnkað við mig til að ráða við álagið, þá var ég eiginlega búinn að nota tækifærið og losa mig við yfirdrætti og jafnvel þau lán sem eru ekki eins hagstæð og náms- og íbúðarlánin. Þar skiptir máli, ekki hvað ég er með í laun, né hvað ég er með útborgað, heldur hvað maður á aflögu eftir að búið er að draga frá fasta útgjaldaliði, reglubundnar afborganir, kostnað við skólagöngu, húsnæðiskostnað, rafmagn, hita, síma, mat og aðra lágmarks framfærslu. Þar er munurinn sá að samkvæmt mínum útreikningum ætti ég ca. 20 þúsund eftir mánaðarlega fyrir 75% en ca. 65 þúsund fyrir 100%. Þrefaldur munur þarna. Gæti á einu ári og þremur mánuðum losað mig við yfirdrætti og bankalán ef ég væri í fullri vinnu en væri tvö og hálft ár að því í 75% vinnu.

Sé litið á öll þessi atrið, þá held það sé alveg þess virði að vera ögn lengur með námið og ná þá bæði að gera það almennilega, komast betur fjárhagslega út úr því og halda geðhelsunni.

Í öðrum fréttum þá tóku strákarnir sig til um helgina þegar ég sá ekki til, fengu sér gmail-addressu og byrjuðu að blogga.

Andvarp.

2006-09-03T20:01:00.000Z

Ótrúlegt hvað maður kemur littlu í verk með malandi kisuling sofandi í fanginu. Það er samt skárra en að hafa glaðvakandi kisuling í fanginu, skyggjandi á skáinn og hlammandi sér á lyklaborðið.

Hefði nú getað sagt það sjálfur ...

2006-09-03T15:32:00.000Z

Góð tímasetning

2006-09-01T23:54:00.000Z

Jæja, þá er skólinn byrjaður aftur. Kennsla hófst seinasta mánudag.
Það sem er öðruvísi í þetta skiptið er að maður er í vinnu núna. Eitthvað á bilinu 80 til 100 prósent vinna ásamt því að vera í fjórum fögum (sem jafngildir 80% námi). Þetta ætti samt alveg að ganga en maður verður ansi upptekinn. Eftir þessa helgi hefst skiladæma- og verkefnavinnan, og þá verður lítill tími fyrir félagslíf og enginn fyrir neitt djamm.

Þannig að nú er tilvalinn tími til að leggjast upp í rúm vegna veikinda, eða þannig sko.

Mér finnst te gott ...

2006-08-27T15:12:00.000Z

... og þá er ekkert verra að rekast á svona grein.

Þar lauk því, í bili.

2006-08-23T00:49:00.000Z

Öllum til mikillar gleði, þá hef ég undanfarið hlíft fólki við tilgangslausu blaðri mínu hér. En nú er það á enda. Friðurnn úti. Mér varð á að taka eitt stykki vefpróf sem ég rakst á í gegnum Þarfa:

Cattell's 16 Factor Test Results

Warmth	\|\|\|\|\|\|\|\|\|\|\|\|\|\|\|\|\|\|\|\|\|	70%
Intellect	\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|	86%
Emotional Stability	\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|	82%
Aggressiveness	\|\|\|\|\|\|\|\|\|\|\|\|	38%
Liveliness	\|\|\|\|\|\|\|\|\|	26%
Dutifulness	\|\|\|\|\|\|\|\|\|\|\|\|\|\|\|	46%
Social Assertiveness	\|\|\|\|\|\|\|\|\|	26%
Sensitivity	\|\|\|\|\|\|\|\|\|\|\|\|\|\|\|\|\|\|	54%
Paranoia	\|\|\|\|\|\|\|\|\|\|\|\|	34%
Abstractness	\|\|\|\|\|\|\|\|\|\|\|\|\|\|\|\|\|\|\|\|\|	66%
Introversion	\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|	86%
Anxiety	\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|\|	86%
Openmindedness	\|\|\|\|\|\|\|\|\|\|\|\|\|\|\|\|\|\|\|\|\|	70%
Independence	\|\|\|\|\|\|\|\|\|\|\|\|\|\|\|\|\|\|	58%
Perfectionism	\|\|\|\|\|\|\|\|\|\|\|\|\|\|\|\|\|\|\|\|\|	70%
Tension	\|\|\|\|\|\|\|\|\|\|\|\|	38%

Take Cattell 16 Factor Test (similar to 16pf)
personality tests by similarminds.com

Viku bindindi ...

2006-07-26T14:57:00.000Z

Jæja, fór í Tattoo & skart í gær með þeim afleiðingum að ég má ekki stunda neitt kynlíf næstu vikuna.
Ekki að það kynlífsbindindi breyti miklu fyrir einstæðan piparsvein eins og mig. :Þ

Er það nú líferni...

2006-07-13T02:05:00.000Z

Fuss og sveiatan. Er það nú líferni á manni þessa dagana. Ekki nóg með að maður dröslast á lappir á ókristilegum tíma, löngu fyrir hádegi. Gengur um í skirtu og með bindi. Er búinn, nú þrjú kvöld í röð, að taka úr þvottavélinni sama kvöld og sett var í hana, og hengja upp. Heldur í þokkabót tók ég upp á því í gær að fara í sund án þess að láta mér nægja að slappa af í heita pottinum. Í stað synti ég fyrst 200 metra og svo 100 metra. Fór svo að lyfta lóðum og gera magaæfingar á þar til gerðum bekk. Hvar endar þetta eiginlega? Hvað næst? Fer maður að taka upp á því að fá sér strípur, fara í ljós þrisvar í viku og mæta á Astró eða Óliver með mynd af bílnum í vasanum að "hösla beibsur að þrykkja í"?
Allavega þarf maður nú að súpa seiðið af þessum vitleysisgangi. Strengir og harðsperrur á ýmsum stöðum.

Opinber starfsmaður

2006-07-11T13:03:00.000Z

Það er kannski kominn tími á að minnast á það að maður er orðinn virðulegur, opinber starfsmaður. Mætir á hverjum morgni um átta-níu leitið, í skyrtu og bindi, sötrar kaffi og hangir á netinu eins og lög gera ráð fyrir.
Að vísu þá er ekki gerð krafa um að maður sé jafn fínt klæddur og ég er. Það hefði dugað að vera í snyrtilegum gallabuxum og peysu, en mig bara langaði að prófa að vera í fínari kantinum. Einnig þá er maður að gera ýmislegt fleira en bara sötra kaffi og hanga á netinu (og þegar maður er á netinu þá er það að mestu leyti vinnutengt).

En allavega, þetta er sæmilega vel borgað (þó að maður hafi heyrt hærri tölur hjá útskrifuðum skólafélögum í einkageiranum), þægileg og áhugaverð innivinna, í göngufæri (rétt við tjörnina) og með hressu og skemmtilegu samstarfsfólki.

Ég er semsagt kominn með vinnu hjá Upplýsingatæknideild Menntasviðs Reykjavíkurborgar og er þar í vefforritun og -hönnun.

Týndur kisi kemur í leitirnar.

2006-07-03T00:38:00.000Z

Ég var kannski ekkert búinn að minnast á það hér en Skröggur hafði ekkert látið sjá sig síðan honum var hleypt út þann 25. maí.

En nú rétt í þessu var hann að byrtast á tröppunum, mánuði eftir að honum var hleypt út og virðist hann ekkert kannast við að hafa nokkurn tíman verið týndur. Hvar hann hefur haldið sig allan tíman fæst ekkert upp úr honum en hann virðist allavega hafa komist í æti því hann er enn í jafn góðum holdum og áður.

Þessir kettir eru furðuleg dýr.

Fuss og sveiatan.

2006-06-16T21:14:00.000Z

Er það bara ég eða er þetta algjör viðbjóður?
Og hver borgar fyrir þetta?
http://www.or.is/Forsida/Svonaviljumvidhafathad/

Heimaríkur köttur.

2006-06-13T22:18:00.000Z

Kettirnir mínir hafa átt það til að vera heimaríkir og reynt að verja nágrenið fyrir öðrum köttum (með misgóðum árangri) en svona frekir hafa þeir ekki verið. Kannski eins gott.

Betra seint en aldrei.

2006-06-04T19:19:00.000Z

Ég veit að það er dáldið seint að koma með kosningaáróður núna eftir kosningar en eins og máltækið segir, betra er seint en aldrei.
Njótið vel. (Athugið að það er nauðsynlegt að horfa á myndbandið til enda til að átta sig á boðskapnum.)

Þess ber að geta að skoðanir þær sem koma fram í þessu myndbandi eru á engann hátt á minni ábyrgð né endilega í samræmi við mínar skoðanir heldur skrifast einungis á höfund þess (hver svo sem hann mun nú vera).
-------------
Viðbót:
Komið hefur í ljós að Jósi er höfundur myndbandsins (eða allavega endurgerðar myndbandsins).

Meira evruvesajón

2006-05-20T23:16:00.000Z

Einn ókosturinn við að Júgravísjón skiptist í forkeppni og aðalkeppni er að nú eru þau tvö á ári, í stað aðeins eins, kvöldin sem að fólk verður algjörlega heiladautt út af þessu.
Sem betur fer var ögn betra úrval í bíóhúsum borgarinnar á seinna kvöldinu en því fyrra. "The Da Vinci Code" var komin í hús. Ég var að vísu eitthvað byrjaður að efast um ágæti þeirrar myndar en ákvað samt, úr því að það væri nú einu sinni Júgrókvöld og að hún gæti ekki verið mikið verri en annað sem í boði er, að fá vinkonu mína með mér á myndina. Og viti menn, hún var svo bara alls ekkert slæm. Meira að segja bara ágæt. Tom Hanks var meira að segja ekkert eins slæmur í þessu hlutverki og maður var farin að halda af ýmsu umtali. Af skiljanlegum ástæðum er hún langt frá því að fara eins djúpt né að vera eins ítarleg og bókin sjálf.
Ég er samt að hugsa um að lesa bókina sjálfa. Nema ég hlusti bara á hljóðbókina sem ég, ahem, "fann" á netinu nýlega.

Já, var svo að reka augun í það á mbl.is að smekkur evrópubúa er kannski ekkert það afleitur. Finnska lagið vann keppnina.

Þetta er gott stuff ...

2006-05-19T17:27:00.000Z

Viðbót:
Þetta er stuttmynd um tvær geimverur að ræða niðurstöður á könnunum sínum á mannfólkinu og þeirri stórfurðulegu og nánast ótrúlegu niðurstöðu sem þær bentu til ...

Úff ...

2006-05-18T19:46:00.000Z

Rétt kveikti á sjónvarpinu áðan. Ætlaði að tékka á Júróvísjón. Var fljótur að slökkva þegar fór að blæða úr eyrunum af hreinum og tærum sársauka. Þetta er nánast árlegur viðburður. Maður steingleymir hvað þetta er mikill vibbi og álpast til að hugsa með sér að úr því að ALLIR aðrir í kringum mann séu svona spenntir fyrir þessu, þá geti þetta nú ekki verið það slæmt, að það gæti jafnvel verið hægt að hlæja smá að þessu en nei, það eru ávalt sömu vonbrigðin og maður er fljótur að slökkva aftur. Þetta er þó skárra en að hafa álpast til að láta plata sig í eitthvað Júróvísjónpartý þar sem maður neyðist til að drekka eins og svín í örvæntingarfullri tilraun til að yfirvinna leiðindin.
Og hver ber svo ábyrgð á því að það skuli ekki vera neitt merkilegt (fyrir utan það sem maður er þegar búinn að sjá) í bíói á svona kvöldum?

Seinasta próf vetrarins nálgast.

2006-05-13T12:13:00.000Z

Jæja þá er að verða klukkutími í seinasta próf vetrarins. Ætti maður kannski að fara að byrja að lesa undir það? Eða bara að halda áfram að vera afslappaður þar sem þetta eru nú bara ebbufræði? ... ég meina "fróun flugbúnaðar" eða er það eins og sumir vilja kalla þetta, "þróun hugbúnaðar"?

Oh, jæja. Sami grautur í sömu skálinni. Skiptir ekki máli í hvora áttina maður hrærir.

Ég ætla nú ekki að taka mark á þessu...

2006-05-11T14:46:00.000Z

Þó það sé alltaf gaman af gáfnaprófum og ekkert verra að skora hátt, þá var þetta það stutt og auðvelt próf, og ég fékk það hátt úr því að ég efast um að það sé það mikið að marka það. Ég held allavega að þetta sem ég tók fyrir áramótinn sé allavega marktækara en eftirfarandi.

I have an IQ of 167!
I am in the 99th percentile!
This means that I did better than 99 percent of the people who have taken this test!

The average score for this test is 100.
The maximum score is 167.
The minimum score is 66.

» Take the IQ Test at MindViz

Æi!

2006-05-10T21:04:00.000Z

Ég var að hugs eitthvað fyrr í dag og varð hugsað til þess að það væri tilvalið til að blogga um. En því miður, núna þegar ég hef tíma til þess og er sestur fyrir framan tölvuna, þá man ég það ekki lengur.
Jæja, gengur vonandi betur næst.

Strax komin einkun úr fyrsta prófi

2006-05-05T13:07:00.000Z

Og það var níu. :D
*Óstjórnleg fagnaðarlæti brjótast út*

Eitt próf búið, tvö eftir.

2006-05-03T14:07:00.000Z

Jæja, þá er próf í tölvugrafík búið. Náði að svara fjórum og hálfri spurningu af sex. Allar spurningar gilda jafnt, fimm bestu svör gilda. Sem þýðir að fræðilega séð gæti ég fengið níu, fræðilega séð. Á eftir að koma í ljós hversu rétt þetta er hjá mér. Það telst nú varla vera slæmt miðað við að ég var nú bara hálfnaður að lesa bókina. Kannski það hjálpi til að þetta var eitt af þeim prófum þar sem má taka með sér öll skrifleg gögn. Þá er hægt að fletta upp því sem maður var ekki búinn að læra og bara læra það jafnóðum, á staðnum.
Og ég sem var með svo miklar áhyggjur af þessu prófi. Að ég væri í mesta lagi að rétt skríða í gegn því ég hafði ekki náð að lesa eins og ég ætlaði mér. Þá er bara að vona að þetta hafi ekki bara verið tóm tjara sem ég setti á blað, að þetta sé eins gott og manni virðist við fyrstu sýn.
Jæja, þá er bara að halda betur á spöðunum fyrir næsta próf. Þó þetta virðist hafa gengið þá verður maður kannski ekki eins heppinn næst. Sérstaklega þar sem þá má ekki taka neitt með sér nema skriffæri.

En eitt netprófið

2006-04-25T17:58:00.000Z

Ákvað að prófa þetta próf sem Þarfagreinir hafði tekið. Hér er niðurstaðan. Sumt kemur minna á óvart en annað.

This Is My Life, Rated
Life:	6.9
Mind:	7.7
Body:	8.6
Spirit:	8.3
Friends/Family:	3.1
Love:	0
Finance:	6.8
Take the Rate My Life Quiz

Hmmm....

2006-04-12T00:34:00.000Z

Ég ætti líklega að passa mig betur á því þegar ég tek kast og verð bitur, fúll og sár yfir einhverju sem fólk var að gera í góðri trú án þess að gera sér grein fyrir hvernig ég væri að upplifa hlutina.
Mig grunar sterklega að ég þurfi að útdeila nokkrum afsökunarbeðnum á næstunni.

------------[ viðbót ]----------------

Jú, mikið rétt. Endalausir misskilningar í gangi. Þarf að tala við fólk og útdeila afsökunarbeðnum. Sérstaklega þar sem mig langar til að halda í vináttu þess.
Hér með tilkynnist það formlega að þegar kemur að samskiptum við vini mína þá get ég átt það til að vera alveg ferlegur kjáni.

Heilræði dagsins.

2006-04-11T10:52:00.000Z

Ef þú gerir eitthvað fyrir einhvern, jafnvel þó það sé af heilum hug. Ef þú gerir það ánn þess að kanna hug hans. Ánn þess að ræða við hann. Ánn þess að hafa fyrir því að komast að því hvað hann vilji. Þá skaltu ekki láta það koma þér það mikið á óvart ef viðkomandi verður sár, svekktur og vanþakklátur.

------------[ viðbót ]----------------

Sem að vísu breytir ekki því að hann er jafn mikill kjáni og ég ef hann drullast ekki til að hafa samband og útskýra hvað sé í gangi.

Í tilefni nýliðinna atburða.

2006-04-10T02:44:00.000Z

Þegar fólk segir eitt á sama tíma og það gerir annað, jafnvel þó það sé aðeins táknrænt, hvort tekur maður meira mark á?

------------[ viðbót ]----------------

Maður gerir hvorugt. Maður drullast til að tala við fólkið, sérstaklega ef þetta eru vinir manns, og komast að því hvort það hafi kannski verið einhver misskilningur í gangi í stað þess að rjúka í einhverja óstjórnlega fílu eins og ég gerði.

Kettir og fiskur.

2006-04-05T22:11:00.000Z

Ef eitthvað er að marka mjálmkórin sem fór í gang í kvöld þá er hrár, FROSINN fiskur draumur sérhvers kattar. Ég lét mig ekkert og gaf þeim ekkert af fiskinum fyrr en búið var að elda hann. Ofnbakaðan í eigin safa með smá smjörklípu út á. Ég var varla búinn að taka roðið af mínu flaki þegar kisuskálarnar voru aftur orðnar tómar. Ákveðið og kröftugt mjálm sá svo um að sannfæra mig um að það eigi barasta alls ekkert að henda soðinu heldur setja það í tómar kisuskálar.
Fyrir áhugasama þá fást frosin ýsuflök í Bónus á 399 kr/kg sem jafngildir 100 kr á mann (eða 50 kr á kött). Það verður sko veisla hérna næstu kvöld með tilheyrandi kórsöng.

"Laugar"dagur

2006-03-25T20:33:00.000Z

Loðmundur fór í bað í dag. Hann var ekkert sérstaklega sáttur.
Samt ekki eins brjálaður og oft áður. Kannski vegna þess að ég er búinn að læra það að kettir hræðast hávaðann í vatnsbununni meira en vatnið sjálft. Einnig lagði ég mig enn frekar fram við að reyna að róa hann niður. Samt náði hann að læsa klónum í upphandlegginn á mér og vildi lítið leyfa mér að þurrka sér með handklæði.
Allavega þá er hér ein frekar blaut kisa sem ylmar af kamillíubarnasjampói.

Áríðandi tilkynning.

2006-03-08T22:48:00.000Z

Hér með tilkynnist að undirritaður hafi nú ekkert bloggað mikið undanfarið.

Ég var víst klukkaður.

2005-12-04T14:23:00.000Z

Og hvað ætla ég að gera í því? Ekki neitt.
Hér koma því fimm ástæður fyrir því afhverju ég ætla að hunsa það að hafa verið klukkaður.

1. Ég nenni því ekki.
2. Ég tek ekki þátt í svona vitleysu.
3. Þetta er asnaleg tímasóun.
4. Það verður einhver að hafa vit á því að stoppa þetta.
5. Ég er ófélagslyndur og mótþróafullur og læt því ekki segja mér hvað ég eigi að gera.

Til að hefna mín þá ætla ég hér með að klukka fimmfallt til baka manneskjuna sem klukkaði mig.

Það jafnast fátt á við það að taka eitt stykki gáfnapróf í þynkunni.

2005-11-26T14:03:00.000Z

Þarfagreinir tók þetta próf og linkaði á það. Það var nóg til að freista mín. Þrátt fyrir þynku.

your Super IQ score is 147

Your overall intelligence quotient is the result of a scientifically-tested formula based on how many questions you answered correctly. But it's only part of what we learned about you from your answers on the test. We also determined the way you process information.

The way you think about things makes you a Numerical Logician. This means that you're exceptionally strong in mathematics and at using logic to solve problems — you have a way with numbers. But that's not all — compared to others you're very detail-oriented, highly organized, and good at understanding things on a complex and abstract level. You're also a quick study when it comes to learning new things or understanding new concepts.

How did we determine that your thinking style is that of a Numerical Logician? When we examined your test results further, we analyzed how you scored on 8 dimensions of intelligence: spatial, organizational, abstract reasoning, logical, mechanical, verbal, visual and numerical. The 3 dimensions you scored highest on combine to make you a Numerical Logician. Only 6 out of 1,000 people have this rare combination of abilities.

Hefði alveg eins getað gert þetta í gær.

2005-11-24T16:39:00.000Z

Vaknaði ekki eins snemma eins og ég ætlaði mér til að mála seinni umferðina. Ég varð samt að gera það í dag. Ef eitthvað er að marka leiðbeiningarnar á dósinni þá þarf að mála seinni umferð innan þriggja daga. Þetta var þó fljótlegra en fyrri umferð þannig að þrátt fyrir að hafa byrjað seinna, þá er ég búinn fyrr en seinast. Samt ef maður miðar við lyktina morgunin eftir það, þá þyrfti maður kannski aftur að redda sér gistingu í nótt. Að vísu er ég með barkan úr ryksugunni út um annan gluggan til að dæla lofti í gegnum íbúðina. Þannig að maður sér til hvort að það hjálpi ekki eitthvað til. Að vísu mun ég ekki geta sofið með ryksuguna á fullu.

Ekki í dag en örugglega á morgun.

2005-11-23T23:01:00.000Z

Ég vaknaði ekki nógu snemma í dag til að mála seinustu umferðina á skikkanlegum tíma. Hafði hvort sem er bara gott af því að sofa almennilega. En geri það örugglega í fyrramálið. Á móti kom að ég hætti í EVE og horfði á fyrstu sex þættina í fyrri þáttaröðinni af Carnivale.
Sagði upp áskriftinni að EVE, seldi allan varninginn á gjafaverði, stútaði skipunum mínum og henti út forritinu. Engin hætta á að ég freistist til að snúa til baka í bráð. Ég hafði gert ýmiss klaufamistök undanfarna daga sem kostuðu mig tíma og (spila)peninga, en það var ekki ástæðan. En það fékk mig til að hugsa. Ég eyði ekki nógu miklum tíma í leikinn til að vera að ganga neitt sérlage vel í honum en eyði þó það miklum að hann er að taka tíma frá öðru sem meira vit er í. Úr því ég get ekki tekið þátt í honum af alvöru, þá er alveg eins gott að hætta bara í honum.
Það var komið tími á að horfa á Carnivale frá byrjun. Var búinn að sjá hálfan fyrsta þáttin og nokkra í seinni þáttaröðinni. Frétti þó í gær að framleiðslu á þáttunum hefði verið hætt eftir seinni röðina þó að ráðgert hafði verið að hafa þær fleiri. Peningamennirnir voru greinilega ekki að græða nóg. Meiri gróði líklega í verule(i)kaþáttum og ódýrum gamanþáttum.

Blah! Málaríði er ekki búið.

2005-11-22T20:07:00.000Z

Það lítur út fyrir að ég þurfi að mála aðra umferð. Oh, jæja.
En það reddast. Seinni umferðin verður fljótlegri því ekki þarf að vanda sig við kanntana. Auk þess er ég er ekki í tímum fyrir hádegi á morgun. Fer því bara verulega snemma að sofa í kvöld. Vakna svo eldsnemma og á að geta málað fyrir klukkan átta. Ættu alveg að geta liðið sextán til átján tímar þar til kemur að háttatima. Bara spurning að finna sér eitthvað að gera annarsstaðar en heima þangað til. Þarf náttúrulega að mæta í skóla eftir hádegi jafnframt sem hægt er að læra eitthvað í lesaðstöðunni þar fram eftir degi. Um kvöldið gæti maður einfaldlega litið eitthvað í heimsókn eða jafnvel farið í bíó. Og ég sem ætlaði að drífa þetta allt saman af á einni helgi, og meira til. Bjartsýnn.
Vel á minnst. Fór í bíó seinustu helgi. 'The Exorcism of Emily Rose' er fín ræma. Annað en margar aðrar "hryllingsmyndir" þá gerði þessi meira en að láta mér bregða eða reyna að ganga fram af mér með blóðslettum og ógeð. Ég fékk gæsahúð á þessari mynd.

Loksins! Loksins!

2005-11-21T18:01:00.000Z

Búinn að mála. Ég er loksins búinn að mála eldhúsveggina og þar með búinn að mála allt sem ég ætlaði að mála í bili. Ég hefði aldrei trúað því að fyrra bragði að það tæki átta klukkutíma að rétt pússa með sandpappír og mála eina umferð þetta litla herbergi.
Eins gott að frestunarárátta mín skyldi hafa notað það sem afsökun að það væri of langt liðið á daginn í öll þau skipti sem ég ætlaði að drífa í þessu en það hafði dregist að byrja þar til seint eftir hádegi. Annars hefði ég lent í því að vera að þessu langt fram á nótt eitthvert kvöldið. Og þá hefði ég átt eftir að bíða eftir að eiturgufurnar hyrfu til að hægt væri að fara að sofa. Jafnvel spurning hvort það náist í kvöld.
Jæja, nóg komið í bili. Skrifa meira seinna.

Gáfumenni? Ég? Kemur í ljós.

2005-11-12T13:28:00.000Z

Stöð tvö er víst að leita að gáfumennum fyrir spurningaþátt. Það sem vakti athyggki mína er að í leit að þáttakendum bjóða þeir upp á eitthvað sem þeir kalla gáfnapróf. Alltaf gaman af gáfnaprófum. Það eitt dugar til að freista mín. Það að það séu einhverjar skítnar 5 milljónir í aðalverðlaun eða að komast í sjónvarpið verður eiginlega aukaatriði. Hef engu að tapa að mæta í þetta próf þó að mér heyrist á öllu að þetta gæti snúist meira um einskis nýtta þekkingu heldur en gáfur.

Viðbót
Þetta var nú meiri tímasóunin. Ekkert gáfnapróf, bara hundleiðinlegt þekkingarpróf. Og að auki var helmingur þess spurningar um mannsnöfn. Ég man aldrei nöfn. Ég vissi til dæmis alveg hver er rektor Háskóla Íslands og hvaða listamaður kom að hönnun tónlistarhússins. Ég bara man ekki nöfnin þeirra.

Letin er lúmskur fjandi.

2005-11-11T02:11:00.000Z

(Þessi póstur er kannski óþarflega langur. Sérstaklega miðað við hvað ég ætlaði að vera stuttorður og bara rétt aðeins að segja frá stöðunni. En jæja, nenni ekki að breyta því úr því sem komið er.)

Ég virtist í kvöld vera búinn að missa dampinn. Ekki nóg með það að manni hafi orðið lítið úr verki í gær þá ekki bara svaf ég ferlega yfir mig í dag heldur auk þess varð ekkert úr verki fyrr en um kvöldið.
    Þetta byrjaði á því að í gær svaf ég aðeins lengur en ég ætlaði mér. Varð því lítið úr verki en mætti þó á réttum tíma í skólan. Í langa gatinu frá eitt til þrjú, í stað þess að læra eftir matinn, þá lagðist ég út af í sófan niðrí Nörd og svaf til fjögur. Á því tímabili fannst mér ég bara eiga skilið að fá þennan svefn. Ég væri búinn að vera svo duglegur og ætlaði auk þess að gera svo mikið um kvöldið. Ég var svo ekki búinn í skólanum fyrr en eftir sjö. Pantaði pitsu þegar ég kom heim, sótti hana rétt yfir átta og var búinn með hana um níu. Var svo að bauvast á netinu fram yfir tíu og fór þá fyrst að gera eitthvað. Það var nú ekkert mikið sem ég náði að gera það kvöldið. Jú, færði eldhúsborðið og nýja skápinn úr eldhúsinu.
    Í morgun tókst mér næstum því að vakna á réttum tíma en datt fyrst niðrí það að "snúsa" í smá tíma og sofnaði svo endanlega þannig að ég komst ekki á lappir fyrr en klukkan að nálgast þrjú. Var svo til klukkan að verða fjögur að fá mér morgunmat og lesa daglega teiknimynda- og bloggsíðupakkann á netinu. Rauk þá af stað út í banka að borga reikninga. Þegar ég kom til baka var mér eitthvað hálf kalt og fékk þá flugu í höfuðið að það væri tilvalið að setjast niður í rólegheitunum, með heitt te í hönd og rétt aðeins líta í EVE á meðan teið væri að ylja mér. Ég ætti nú hvort sem er eftir að blogga, gæti kannski gert það á meðan. Hefð alveg nógan tíma til að gera eitthvað af viti eftir það.
    Já, já. Klukkan að verða sjö var ég enn að og gerði mér þá grein fyrir að svona væri þetta ekki alveg að ganga. Var byrjaður á þessu bloggi. Hætti fljótlega í EVE og ákvað að þó að ég virtist vera búinn að missa dampinn þá þýddi ekkert að láta það á sig fá. Maður þyrfti bara að rífa sig af stað aftur. Var að vísu orðinn svangur þannig að það tafðist ögn. Eftir matinn kom ég mér þó loks í gang. Skellti mér inn í eldhús. Kláraði þar að sparsla það sem hafði gleymst í loftinu, reif niður lista sem var fyrir nýja skápnum, sparslaði í rifuna þar undan, færði ísskápinn á mitt gólfið, setti dagblöð yfir allt, málaði loftið og gekk svo frá.
    Ég hafði haft vit á því að gera ráð fyrir að það gæti orðið ósvefnvænt í íbúðinni fyrir málingarlykt. Ég hafði því fengið vilyrði fyrir því að fá að gista í sófanum hjá vinkonu minni og er þar nú. Það er bæði skóli, meiri málingarvinna, tiltekt og vísindaferð sem bíður mín á morgun þannig að ég læt þetta duga að sinni.

Nú er það svart maður, ég ... zzzzzzZZZZZZZZZZ!

2005-11-08T23:42:00.000Z

Já, vá. Ég steinsofnaði í kvöld. Það er svona að vera búinn að vakna eldsnemma á sama tíma og maður er búinn að vera að dútla í íbúðinni fram yfir miðnætti seinustu daga. Ég sem ætlaði að gera eldhúsið klárt í kvöld til að geta málað það þegar ég vakna í fyrramálið. Það verður þá bara að bíða til morguns.
    Allavega þá er ég undanfarna tvo daga búinn að mála stofuvegginn svartann, tvær umferðir. Ég er líka búinn að fara yfir öll skilaverkefnin og auk þess er mér líka loks búið að takast að vakna á morgnanna og mæta í skólann. Þá er "bara" eldhúsið eftir, klára að ganga frá aftur í stofunni og setja upp hillur.
    Þegar minnst er á hillurnar þá ætti ég kannski að fara aðeins hægar í sakirnar. Hugsa málið betur hvað varðar staðsetningu. Mér finnst svarti veggurinn nefnilega svo rosa flottur að ég tími varla að leyfa einhverjum ómerkilegum húsgögnum að skyggja á hann. Jæja, kemur í ljós. Fæ kannski einhvern/einhverja í heimsókn þegar ég er búinn með allt hitt til að fá þeirra álit. Það hjálpar oft við ákvarðanatöku að heyra annarra álit jafnvel þó maður fari ekki eftir því.
    Má samt ekki eyða of miklum tíma í þetta. Prófin eru að fara að nálgast og ég á eftir að vinna upp slatta af leti, veikindum, þunglyndi, framtaksleysi og of mikin svefn. Hafði þó vit á því að segja mig úr einum áfanga þannig að þeir eru bara fjórir sem ég þarf að vinna upp.

Þetta er ekkert búið.

2005-11-06T17:00:00.000Z

Útvarp Grettisgata. Klukkan er fimm. Nú verða sagðar fréttir. Í fréttum er þetta helst.
Ég er enn ekki búinn og þetta er ekkert neitt að fara að klárast í dag. Þá er bara spurning að missa ekki niður dampinn og halda bara áfram út vikuna (og jafnvel mun lengur). Næ þó allavega að klára stofuvegginn (sem er nú orðinn grár), pússa eldhúsloftið (og jafnvel mála eina umferð) og setja saman eldhússkápinn. Ég byrjaði á honum seinustu nótt en stoppaði á því að þurfa að vera með hávaða (þarf að negla eða bora). Mjög líklegt að ég nái líka að fara yfir verkefnin.
Þakka þeim er hlýddu. Góðar stundir.

Fjólublár veggur!

2005-11-05T22:33:00.000Z

Jæja, þá er vinnuhelgi hálfnuð. Maður búinn að fara yfir 2/3 af skilaverkefnunum, fara þrjár ferðir í Brynju eftir hinu og þessu, laga gardínustöngina, umturna eldhúsinu og stofunni til að geta unnið þar, sparsla fyrstu umferð í eldhúsloftið, pússa sparslið með sandpappír (og sjá að maður þarf að sparsla betur) og einn veggurinn í stofunni er orðinn fjólublár.
Þá er eftir að halda áfram með skilaverkefnin, fara með svart yfir fjólubláa vegginn (ég veit alveg hvað ég er að gera. Þetta var planað svona), klára að sparsla í eldhúsinu, pússa sparslið, mála loftið og veggi þar, gagna frá öllum húsgögnum aftur á sinn stað og setja upp hillur og skápa.
Iss, það er ekkert mál. Ég hef jú allan morgundaginn til þess.

Viðbót, klukkutíma seinna:
Búinn að sparsla. Búinn að hleypa kisum inn. Það takmarkar hvaða verk hægt er að vinna. Er hvort er eð svangur. Eldhúsið enn á hvolfi og þarf því að fara út. Set kannski skápinn saman á eftir þegar ég kem aftur.

Vinnuhelgi framundan.

2005-11-04T18:25:00.000Z

Jæja. Þá ætla ég að bretta fram úr ermunum og vera duglegur þessa helgi. Þetta verður alsherjar vinnuhelgi. Ekkert djamm þetta skiptið. Það sem þarf að gera er:

Ég er tveimur vikum á eftir áætlun með að fara yfir skilaverkefni frá nemendum mínum. Þarf að vinna það upp. Ætti að klárast í kvöld.
Líta svo á námið, skoða stöðuna og athuga hvort ég þurfi kannski að segja mig úr einhverju eða hvort ég nái að komast það vel af stað að ég verði á góðu róli.
Svo er ég með eldhússkáp, ýmsar hillur, ljós og spegil sem á eftir að setja saman eða festa upp. Einnig eru veggir sem þarf að mála og á undan því þarf að sparsla í einhver göt og rifur.

Samt verður þetta vonandi ekki eintóm vinna og púl. Maður þarf að taka sér smá hlé inn á milli. Þá væri ekkert vera að skreppa með góðum vini/vinum (Hint, hint! Hafa samband!) í smá kaffihúsaferð, bíókvöld með nammiáti eða jafnvel bara smá létt 'chill'. Svo væri ekkert verra ef einhver nennir að koma til að hjálpa til eða jafnvel bara halda mér félagsskap.

Farið í bíó.

2005-11-03T00:14:00.000Z

Fór í bíó í góðum vinahóp. Fórum að sjá Tim Burton's Corpse Bride. Mæli eindregið með henni. Tim Burton er snillingur og bregst okkur engan vegin með þessari mynd.
Mig langar meira að segja að fara á hana aftur.

Ég gæti ekki verið meira ósammála

2005-11-01T23:22:00.000Z

Líkurnar á að ég fremji sjálfsmorð eru nánast engar. Það væri uppgjöf og það er ekki minn stíll. Ég er of þrjóskur til þess. Samt fæ ég eftirtalda niðurstöðu. Kannski það segi meira um hve mikið er að marka prófið en um mig.

You scored as Suicide. Your death will be suicide. What more can I say? Fact: Suicide is a permanent solution to a temporary problem. If you want to know hwo you will commit suicide, take a look at your second highest percentage on the bar graphs.

Suicide

93%

Disappear

87%

Bomb

67%

Natural Causes

67%

Posion

60%

Disease

53%

Stabbed

47%

Suffocated

33%

Eaten

33%

Cut Throat

27%

Gunshot

27%

Drowning

20%

Accident

20%

How Will You Die??
created with QuizFarm.com

Syndsamleg skemmtun.

2005-10-26T04:24:00.000Z

Syndabælið Sinfest á nú oft sína góðu punkta. Ég hef sérstaklega gaman af hund inum og kett inum. Sam tölin við guð, engl arnir hans, "fan-boy"-ið hans og kristlingarnir eiga líka sína góðu spretti. Djöf ullin sjálfur og "fan-boy"-ið hans geta stundum verið djöfulli fyndnir. Svo má heldur ekki gleyma heimspekilegum vangaveltum og þegar Slick og Monique taka fyrir sam skipti kynjana.
En því miður koma fyrir tímabil þegar Sinfest annaðhvort missir sig í súri, ófyndni dellu eða þá að höfundurinn virðist lenda í einhverri ferlegri ritstíflu með þeim afleiðingum að maður fær ekki sinn daglega skammt af Sinfest.

Bölvaður klaufaskapur.

2005-10-25T01:39:00.000Z

Alveg er það ferlegt hvað maður getur stundum verið mikill endemis klaufabárður. Hvað þá þegar það svo bitnar á öðrum en manni sjálfum. Að maður tali nú ekki um það þegar það bitnar á grei litlu málleysingjunum sem maður ber ábyrgð á.
    Málið að þessu sinni er að blessuð litla sálin, hann Loðmundur, er búinn að vera með endalaust mikið af flóka síðan han þurfti að vera með kragan um daginn. Ég er búinn að ætla að fara með hann í klippingu en gæludýraklipparinn sem mér var bennt á er víst í Hafnafirði og maður hefur takmarkaðan tíma í svoleiðis langferðir. Því hef ég notað tækifærið öðru hvoru þegar hann er að kúra upp við mig til að grípa snöggvast skæri og losa hann við einn og einn flóka í einu. Þrátt fyrir brölt og smá mótmæli að hans hálfu hefur það gengið ágætlega. Þar til nú.
    Nú var ég að taka eftir að í gær tókst ekki betur til en að skærin fóru ögn of djúpt og skildu eftir sár. Vondur, vondur kisupabbi.
    Sem betur fer virðist það ekki vera neitt djúpt og ætti því ekki að vera mjög alvarlegt. Samt betra að fylgjast vel með hvort þörf sé á ferð til Dagfinns.
    Þrátt fyrir þetta er litla krúttið, malandi, að nudda sér upp við mig til að þiggja klapp og strokur.

Bíó og tilgangur lífsins.

2005-10-22T19:19:00.000Z

Fór áðan í bíó með frænku minni. Fórum á "A History of Violence". Ekkert meistaraverk, frekar en flest allt sem kemur í bíó, en samt fín mynd. Þær eru allavega ekki margar bandarísku bíómyndirnar þar sem tekið er á afleiðingum ofbeldis á sálartetur manna án þess að fara út í að verða að vælumynd um fórnarlömb.
Þökk sé athugasemd góðrar vinkonu minnar náði ég að sjá Monty Python snildina "The Meaning of Life" eins og ég ætlaði án þess að missa af meiru en rétt byrjuninni. Í lokin kemur svo boðskapurinn: "Verið góð við hvort annað, forðist feitan mat og lesið góða bók öðru hvoru". Ef þetta er tilgangur lífsins þá tel ég mig vera í nokkuð góðum málum. Mætti að vísu lesa meira af góðum bókum. Held allavega að námsbækurnar mínar teljist ekki með. Samt skemmtileg tilviljun að fá þennan boðskap nánast nýkominn úr bókabúð þar sem ég keypti fjórar bækur. Þó að þetta hafi ekki verið skáldsögur þá held ég að bækur frá efstu hæð Mál og Menningar geti alveg talist til góðra bóka.
Í öðrum fréttum þá eru kisulingarnir ekki enn búnnir að læra að þeir eigi ekki að vera stöðugt að rápa inn og út. Maður er ögn þreyttur á að vera hlaupandi upp og niður stigan til að þóknast þeim. Reyna að ákveða sig, drengir!

Tíminn og vatnið.

2005-10-21T03:30:00.000Z

Furðulegt hvernig sumar vikur nánast hverfa án þess að maður taki eftir því. Þessi vika er ein af þeim. Mér líður eins og bara rétt áðan hafi verið mánudagur og nú er að verða kominn föstudagur. Mér finnst ég ekki hafa gert neitt þessa vikuna. Svaf á mánudag og hálfan þriðjudag en mættu þó í kennslutímann minn og fór á kaffíhúsfund um kvöldið. Mætti líka í kennslutímann minn á miðvikudag (þó enginn af nemendum mínum). Á fimmtudag þá gerði ég ... uhm ... blah!
Jú, ég náði í vikunni að þvo tvær vélar af þvotti. Sækja nýja vírusvörn, eldvegg, 'spyware'-vörn og tvö 'season' af sjónvarpsþættinum 'Carnivale'. Setja inn hugbúnaðinn ásamt því að henda út gömlum. Brenna þættina á disk. Fara til sýslumanns að láta þinglýsa lánabreytingu. Sækja mér upplýsinga um öryggi á Windows vélum. Og heimsækja Báru vinkonu.
Samt bara smáhlutir miðað við hvað ég ætlaði að gera, hefði þurft að gera og á enn eftir að gera. Leiðist hvað ég kem litlu úr verki.

Kisulingar - lifandi og teiknimynda.

2005-10-17T00:03:00.000Z

Fyrst þegar ég var að taka upp á því að hleypa kisulingunum út var ég að hafa smá áhyggjur af því hvernig þeim ætti eftir að ganga af vinna sér inn viðurkenningu í samfélagi hverfiskattanna. Hvort þeir yrðu jafnvel lagðir í einelti af stóru grimmu útigangsköttunum. Ekki minnkuðu áhyggjur mínar þegar Loðmundur særðist í átökum.
    Því var það vist ánægjuefni og gerði mig smá stoltan það sem ég sá um daginn. Ég var á leið í skóla þegar ég tek eftir Loðmundi eitthvað að skottast á stéttinni. Er ég labba nær tek ég betur eftir því að hann horfir stíft upp á garðhliðið í næsta garð og verður því litið upp. Þar situr stór, bröndótt kattarhlussa og er eitthvað að tjá sig við Loðmund. Tekur Loðmundur þá á rás og stekkur upp í átt að kvikindinu sem hrekkur við og leggur á flótta. Ótrauður heldur Loðmundur á eftir honum, rekur á eftir honum í gegnum allan næsta garð og yfir næsta grindverk. Eftir stendur stoltur kisupabbi, fullviss um að kisulingarnir sínir séu sko greinilega að plumma sig í þjóðfélagi katta.
    Verst hvað þeir skuli vera tregir við að læra að varðandi útivist þeirra þá gildir sú regla að einu sinni á dag fara þeir út, saman. Og einu sinni á dag fá þeir að koma aftur inn, saman. Þegar ég ákveð að þeir eigi að fara. Kannski það sé vegna þess hve linur ég er við að framfylgja þeirri reglu. Gæti það nokkuð verið? Hmmm.....
    Úr því að minnst er á kisulinga, þá rakst ég á æðisleg teiknimyndakisurassgöt. Hér koma nokkur dæmi:

Þetta er fyndið, en þetta er nokkuð sick.
Hahahaha...
Hmm... Heimspekilegt.
Bwhaahahahahahaha....
Æ, æ. Óheppnir.

Gott að eiga góða vini

2005-10-12T14:17:00.000Z

Fór í heimsókn til vinkonu minnar í gærkvöld. Við gerðum nú óskup lítið og vorum ekkert mikið að tala saman. Ég var aðalega að hanga í tölvunni minni á meðan hún var í sinni eða að hafa sig til fyrir bíóferðina sem við fórum í seinna um kvöldið með tveimur vinum okkar. Kom við hjá henni aftur eftir bíóferðina og aftur vorum við aðalega að hanga í tölvunum.
Merkilegt samt hvað það að hanga saman skildi eftir miklu meira en bíómyndin. Ekki það að það væri eitthvað út á myndina að setja, hún stóð alveg fyrir sínu. Málið er bara að það virðist vera með góða vini, sem manni þykir vænt um, að maður þarf ekkert endilega að vera að gera eitthvað merkilegt, spennandi eða stórskemmtilegt saman. Það eitt að vera að umgangast hvort annað skilur eftir ákveðna vellíðunartilfinningu sem er dýrmætari en hvaða stundarskemmtun sem er.
Mér líður ennþá vel að innan eftir gærkvöldið.

Uppskrift dagsins: Viðbrennt pasta

2005-10-09T15:18:00.000Z

Ég varð svangur í gærnótt og ákvað að malla eitthvað. Af einskærri slyssni rambaði ég á að útbúa hinn víðfræga rétt, viðbrennt pasta. Hér læt ég fylgja með uppskriftina svo aðrir geti einnig notið hennar.

handfylli pasta
smásletta ólífuolía
sjávarsalt
vatn
einhversskonar pastasósa (skiptir ekki máli hvernig sósa svo lengi sem ekki þarf að standa yfir henni á meðan hún er að malla)

Setjið vatn í pott og hafið það í minni kanntinum. Setjið pottin á mesta hita. Á meðan beðið er eftir að suða komi upp skal fara í næsta herbergi og dúlla sér eitthvað á internetinu þannig að örrugt sé að vatnið sé búið að minnka eitthvað í pottinum þegar maður tekur eftir að suðan sé komin upp. Skellið olíunni, saltinu og pastainu úti og lækkið hitan undir. Nú er fínt að nota tíman til að baufast eitthvað við pastasósuna og leyfa henni svo að malla. Á meðan sósan er að malla skal yfirgefa eldhúsið en á ný til að fara á vit internetsins. Á leiðinni út skal hækka ögn undir pastainu. Þegar einkennileg lykt úr eldhúsinu nær að draga athygglina frá internetinu er rétturinn að verða tilbúinn. Nú skal hafa snör handtök, rjúka af stað inní eldhús, kippa viðbrenndu pastainu af hellunni og undir kranan í vaskinum þar sem smá vatni er bætt út í til að bleyta ögn upp í því. Bætið sósunni út á og njótið vel.

Eintóm gleði og hamingja, ha?

2005-10-05T13:30:00.000Z

Vei! Gleði, gleði! Lánið mitt er komið!...

... og farið aftur.

Farið í Vísa-reikning, afborganir, örfáa reikninga en þó fyrst og fremst í að greiða niður yfirdrætti.
Samt ekki örvænta. Ég er ekkert í slæmum málum. Ég er að bíða eftir leiðréttingu frá skattinum, ég fæ einhver smá laun frá Háskólanum fyrir dæmatímakennslu og ég er auk þess ennþá með yfirdráttarheimildir. Ég er í nógu góðum málum til að þurfa ekki að hafa áhyggjur. Ég bara er ekkert með úttroðna vasa af peningum.
Hvað varðar að greiða niður lánið þá er það til langs tíma og það er ekki nema ca 5 ár í að ég verði búinn með allt námið og ætti að geta fengið nógu vel borgað starf til að geta jafnvel greitt þetta lán á innan við ári.

Hrægammarnir nálgast! ... eða hvað?

2005-10-05T09:44:00.000Z

Þegar ég greip Fréttablaðið í morgun vakti það athyggli mína að fyrir ofan forsíðuna var auglýst í æpandi skærum litum "8bls bæklingur frá Tölvulistanum stútfullur af tilboðum á tölvum og tölvubúnaði í Fréttablaðinu í dag". Mér varð strax hugsað að nú hefðu einhverjir lekið í Tölvulistan fréttir um að ég væri að fá lánið mitt og að því væri rétti tímin til að útbúa sérstaklega þykkan bækling til að klófesta mig. Vitandi af þessari gildru inní blaðinu tókst mér þó ekki að standast forvitnina og fletti blaðinu þar til kom að bæklingnum. Þá kom í ljós að annaðhvort fengu þeir rangar upplýsingar eða þeir voru ekkert á höttunum eftir mér.
    Helmingurinn af bælkingnum var undirlagður undir fartölvutilboð. Halló! Ég er nýbúinn að fá mér nýja fartölvu.
    Einn fjórði var undirlagður undir turnvélapakka þar sem innifalið var skjár, lykklaborð, mús og hátalarar. Fuss og svei. Ég er með fínan skjá, lykklaborð, hátalar og alles. Auk þess sem mig vantar ekki nýja turnvél. Ég hef aðeins áhuga að uppfæra þessa sem ég er með.
    Þrír fjórðu af restinni fór svo undir prentara. Ég er með prenntara sem ég er varla búinn að taka úr kassanum.
    Restin var svo eitthvað smotterí eins og skannar, ljósmyndavél (ég á vél, takk fyrir!), pappír, blek og dót.
    Ok, bara til að hafa það á hreinu næst þegar þið sendið einhvern bækling til mín (Ég veit að þið eruð að lesa þetta! Hvar annarsstaðar hefðuð þið getað frétt af láninu?), það sem mig vantar er að auka diskapláss í turnvélinni (og í leiðinni að losna við gamla háværa diskin sem er í), athuga hversu mikið sé hægt að minnka hávaðan með t.d. nýjum aflgjafa og/eða viftum og athuga hvort hún ráði við sjónvarpskort svo ég geti horft á sjónvarpið í henni. Þetta er allt og sumt. Ekkert neitt meira kjaftæði. Nei, ég vill ekki nýtt móðurborð. Já ég veit að þetta er Pentium II örgjörvi, ég þarf ekkert meira í þessa vél. Takk fyrir.

Þá er maður vist farinn að birta niðurstöður úr prófum á blogginu sínu, eins og fleiri.

2005-10-04T23:46:00.000Z

Jæja, þetta kom mér eigilega á óvart. Ég bjóst við að vera meiri 'geek'.

More Scientific
You have:
85% SCIENTIFIC INTUITION and
70% EMOTIONAL INTUITION

The graph on the right represents your place in Intuition 2-Space. As you can see, you scored above average on emotional intuition and well above average on scientific intuition.Your scientific intuition is stronger than your emotional intuition.

Your Emotional Intuition
score is a measure of how well you understand people, especially their
unspoken needs and sympathies. A high score score usually indicates
social grace and persuasiveness. A low score usually means you're good
at Quake.

Your Scientific Intuition
score tells you how in tune you are with the world around you; how well
you understand your physical and intellectual environment. People with
high scores here are apt to succeed in business and, of course, the
sciences.

My test tracked 2 variables How you compared to other people your age and gender:

You scored higher than 92% on Scientific

You scored higher than 61% on Interperson

Lazarus :S

2005-10-03T17:26:00.000Z

Blah.

Einmitt þegar ég ætla að taka mig á og hef meira en nóg að gera þá veikist ég. Æðislegt.

Jæja, lítið við því að gera annað en að sofa og hanga á netinu. Þurfti þó fyrst að stelast út því kattamaturinn kláraðist í gær. Ekki mega kisulingarnir mínir svelta.

Hugleiðing um fjölda athugasemda.

2005-10-02T23:41:00.000Z

Rosa er fólk búið að vera duglegt að skilja eftir athugasemdir í bloggið mitt eða hitt þó heldur.
Ætli maður fengi kannski eitthvað fleiri athugasemdir ef maður léti einhverja fleiri vita af því en þessar tvær manneskjur sem vita af því?
Það er sko aldrei að vita. Best að tékka á því.

Lán... og ólán.

2005-10-02T23:26:00.000Z

Það var ekkert smá léttir að fá símhringinguna sem ég fékk í vikunni. Lífeyrissjóðurinn minn að staðfesta að ég fengi lánið sem ég hafði sótt um.
   Þetta er lánið sem ég var búinn að reikna með að fá til að losna við yfirdráttarlán og fjármagna námið mitt í vetur. Alveg síðan ég fékk það staðfest í sumar að ég næði að greiða nógu oft í lífeyrissjóðin (þarf að hafa greitt 4 af seinustu 6 mánuðum) til að eiga rétt á að sækja um lán hjá þeim og að þeir lánuðu enn út á óstaðfestar íbúðir, þá var ég sannfærður um að það væri nánast bara formsatriði að sækja um og svo fá lánið stuttu eftir seinasta launaseðil sumarsins (í upphafi september). Að í mesta lagi væri spurning um hve hátt lán ég gæti fengið. Að ég þyrfti semsagt ekkert að hafa áhyggjur af fjármálum. Gæti jafnvel leift mér að nota Vísa og ögn hækkaðar yfirdráttarheimildir til að fleita mér áfram þar til lánið bærist.
   Það var það sem ég helt þar til að í fyrstu þá var haft samband við mig stuttu fyrir lok ágúst og ég látin vita af því að þat sem þetta væri ósamþykkt íbúð þá þyrfti verðmat frá fasteignasala, þau treystu sér ekki til að uppreikna kaupverðið frá því þegar ég keypti. Jæja, það hljómaði nú ekki það slæmt. Þetta mundi bara tefjast ögn meðan ég gengi frá því.
   Tefjast ögn? Heilum þremur vikum seinna er ég loks búinn að finna tíma þegar bæði ég og fasteignasalinn erum lausir samtímis. Nokkrum dögum fæ ég svo loks verðmatið og skila því inn. Þarna var ég byrjaður að verða stressaður vegna yfirdrátta að renna út, afborganna af lánum, vísa, síma og öðrum reikningum rétt handan við mánaðamótin. Auk þess sem kostnaður við að lifa hverfur ekkert. Því var það ekkert á bætandi að heyra afgreiðslustúlkuna sem tók við verðmatinu minnast á að nú væri allt komið sem þyrfti til að leggja lásnumsóknina fyrir yfirmann deildarinnar.
  "- Ha! Bíddu við. Meinarðu að það eigi eftir að ákveða hvort ég fái lán? Er möguleiki að ég fái ekki lánið?
   - Ja, við getum ekkert um það sagt. Getum engu lofað. Þetta þarf að fara fyrir deildarstóran sem tekur ákvörðun."
   Á þessum tímapunkti leið mér eins og ég væri í teigjustökki og fengi í miðju falli að vita að það ætti eftir að athuga hvort það væri búið að binda hinn endan á teigjunni.

   Sem betur fer kom þessi símhringing nú í vikunni.

Það skynsamlegasta sem hægt er að gera um miðja nótt er...

2005-09-27T01:34:00.000Z

Jæja, álpaðist til að sóa tíma mínum í að taka þetta greindarpróf í stað þess að vera skynsamur og annað hvort gera eitthvað af því sem ég ætlaði að gera í dag og þarf að gera en gerði ekki. Eða þá að fara að sofa þannig að ég gæti kannski vaknað nógu snemma til að gera eitthvað af því.
Fékk víst út úr prófinu að ég væri með IQ upp á 145. Ekki slæmt.
Af hverju get ég þá ekki drullast til að hegða lífi mínu af meiri skynsemi í stað þess að gera heimskulega hluti?

Af hátterni katta

2005-09-16T21:19:00.000Z

Í þessum rituðu orðum sit ég og fylgist með ketti einum, nýkomnum inn úr rigningunni. Eins og katta er siður þegar þeir eru blautir, er hann að sleikja sig hátt og lágt.
Þetta væri nú ekki í frásögur færandi ef ekki kæmi til að þetta hátterni hans er ekki að hafa tilætluð áhrif. Svo vill nefnilega til að þessi tiltekni köttur, Loðmundur Skuggi að nafni, er með plastkraga einn voldugan um hálsin sem kemur í veg fyrir að tunga hans nái að snerta feldinn og er hann því eins blautur og fyrir. Ástæða fyrir veru þessa kraga er sú að í seinustu viku lenti hann í átökum við annan kött sem líklegast hefur talið Loðmund vera inn á sínu yfirráðasvæði og að þess vegna hafi þurft að reka hann á brott. Út úr þeim átökum gekk Loðmundur með sár á líkama. Til að byrja með var sárið falið undir feldinum og tók eigandi hans því ekki eftir neinu öðru en einhverju sem virtist einfaldlega vera smá sakleysislegur og klístraður hárflóki. En nokkrum dögum seinna kom í ljós eitt ljótt og gapandi bitsár á baki. Þegar svo í þokkabót fór að vella út gröftur var farið til Dagfinns að plástra saman kisugarminn. Það gekk ekki betur en að kjánaprikið var búið að rífa heftin úr sárinu strax sama kvöld og því dugðu engin önnur ráð en að setja kraga um háls hans svo sárið fengi að vera í friði.
Til að byrja með var hann frekar fýldur á svip en virðist vera búinn að jafna sig að frátöldu að hann virðist vera eitthvað lítill inn í sér og hefur því þörf fyrir að nudda sér upp við eigendan, kúra upp við hann og láta klappa sér. Sérstaklega virðist hann hafa gaman af að láta klóra sér bak við eyrun, sem er skiljanlegt þar sem hann er nú ófær um að sjá um það sjálfur.

Póstur tvö

2005-09-05T12:01:00.000Z

Eins og glöggir lesendur hafa ef til vill tekið eftir hefur einhver ritstífla hrjáð mig. Við þá sem hafa furðað sig á því og jafnvel kvartað og kveinað hástöfum hef ég þetta að segja: Þetta er óskup eðlilegt og jafnvel það sem við var að búast þegar ég á í hlut.

Í öðrum fréttum þá byrjaði skólinn víst í seinustu viku. Ég þarf að fara að drífa mig í að tékka á því betur. Einhverra hluta vegna eru fyrirlestrar enn hafðir fyrir hádegi.

Kettirnir virðast hafa það gott. Þeir fá stundum að fara út en hafa ekki notað tækifærin til að strjúka sem lofar góðu. Ég hlýt þá að vera að gera eitthvað rétt í uppeldi þeirra.

Í gær gerðust þau undur og stórmerki að þegar ég fór en einu sinni í IKEA® að þá kom Skoffínið með í ferðinna. Á dauða mínum átti ég von en ekki þessu. Ég hélt að nú gæti ekkert lengur komið mér á ófart en þá gerist það seinna um kvöldið að Skoffínið viðurkennir að hafa skemmt sér dável (ekki neita þessu, ég er með msn-færslur sem sanna mál mitt).

-----------------------

Viðbót:
Þess má geta að guðlega þjóðnornin var svo elskuleg að ekki bara koma með okkur og halda okkur félagsskap, heldur auk þess þá sá hún um að keyra okkur fram og tilbaka.

Hef ekkert að segja

2005-07-27T06:22:00.000Z

Blah!
Jæja, fyrsta bloggið og ég hef ekkert að segja.